BAALEI TZEDEKA HALAKHA YOMIT.

HILKHOT TZIZIT.
[Bemidbar 15:37-41,Deutoronomy 22:12]
[YALKUT YOSEF SIMAN 8]

[Tallit=Apuon]
[Tzizit=Akhao]
[Kanfot=Among]
[TALLIT SIL=TALLIT AH KASEINA AHI E]
[TALLIT SIL=TZIZIT NEI TALLIT KISEINA]

1.Mikhat chun Tupatpuon(linen) chuleh samulpuon(wool) akuon kisem von anei a hiche avon chun mong li anei leh Tzizit among jouse a akhai ding chu Torah akon bol ding a Mitzvah ahi e.Koi hileh Chi Mitzvah hoi tah a bol chun Shechinah Mai tichu Pathen umpina amu ding ahi e.Chuleh chi Mitzvah hi aletdan dan chu Abol jouse in Mitzvah jouse abol tobang ahi e akiti ajiehchu chi Tzizit namu teng Mitzvah jouse geldoh in ati.

2.Von Tzizit akhai ding dol chu akhai lou leh Mitzvat Tzitzit abol lou ahi e.chuleh Gemara sei dung jui in Thil nga apalkeh e.Rashi in asei dungjui a chi thil nga ho chu:
1.Nabol diu.(Ve'Asu)
2.Na pieh diu.(VeNatnu)
3.Um ding.(Vehaya)
4.Na mu ding u.(Ur'item)
5.Puonmong kikhit na koi ding u.(Gedilim taase lakh).
Puon dang ahileh Mitzvah Derabanan abol lou ahi e.

3.Shakharit a Kriath shema asei teng Tzizit toh aum tha angai in chijieh a chu Mitzvah tzizit abol lou khah ding akiven angai e.Chuleh Tallit Gadol a'ah ding ahi e.Tallit Gadol amu kah a Mitzvah pa bol nading a phat akichai man ding leh Tallit Katan(ahiding bang tah a kibol pa) toh abol thei ahi e.Deisah pen chu Tallit Gadol ahi e ajiehchu Tallit Katan hi Shema sei nading alhing jui po e.

4.Tallit Gadol chu Aleinu jou leh asut lhah pan ding ahoi e.Naa toh na ading a akino leh Aleinu masang a jong asut lhah thei ahi e.Hijongle asut lhah masang a Tefillin asut lhah masat ding ahi e.

5.A'Imut teng Tallit katan asut lhah lou chu deisah leh bol ding dol ahi e.Asat val a leh asut lhah thei hijongle ama in strict tah a ajui leh Brakha akimu ding ahi e.

6.Tallit toh a'imut tha leh Jingkah atho teng Brakha asei ngai poi.Tallit Gadol Brakha asei tengleh Tallit Katan jong agel tha di ahi e.Tallit katan chu jan a'imut a sut lhah ta henlang Jingkah teng Brakha sei thei ding hijongleh Tallit Gadol brakha asei teng joh leh ahuop tha joh ding ahi e.

7.Tallit chu Akisil teng alunggel a Mitzvah jouse bol nading geldoh na a kasil ahi e ti akigel ngai e.Poskim khenkhat in hitia agel lou leh Tzizit Mitzvah pa abol lou tobang in asei e.

8.Ahoipen hi hih jongle Tzizit mitzvah bou abol guot jieh bou a Tallit asil leh Tzizit Mitzvah abol a kisim ahi e.Proof mong mong a Mitzvah mei mei ding a Tallit asil jongle Mitzvah Tzizit abol a kila ahi e.Akisil pet hijongleh agel doh doh teng Mitzvah bol a akisim nading a ka sil ahi e ti akigel ngai e.

9.Leshem Yikhud khu Tzizit dih tah a akisil e tia asei thei nading in chondan in Tallit sil masang in akisei jui e.Leshem Yikhud kisei khun ahiding bang tah a Tzizit asil jieh ageldoh sah thei leh asei ding chu deisah lheh ahi e.Mipi toh akikhop khom ding pel ding ahilevang asei ngai poi.

10.Khazal in Pathen min a Thuchang a'thuchang a asei doh leh Olam Haba a chan mun anei poi ati.Chijieh a chu Leshem Yikhud sei teng Leyakhada Shem Yud Kei Be'Vav Kei ati joh ding ahi ati.

11.Mun nen lah a aum a mun dang a chie nading ahithei lou leh Tallit chu asil thei ahi e hinla brakha asil lou ding ahi e ajiehchu mun nen mun a Brakha akisei ngai poi.

12.Nusakh a Tallit Brakha chu Asher kideshanu bemitzvotaiv lehitatef beTzizit ahi e.
BeTzitzit tia asei lou a BaTzizit ati leh brakha sei a kila ahi na in hinla Eiho chondan in BeTzitzit akiti e.Tallit Gadol chu Al Mitzvah Tzizit ahilouleh Lehitlabesh beTzizit tia asei khum khah leh Tzizit Brakha sei a kila ahi e.

13.Brakha sei chuleh seijou a Tallit a Kisil/kituom teng din ngai ahi e.Tou pum a Brakha asei jongleh Tallit brakha sei a kila ahi e.chuleh ahoipen hi hih jongle Tou pum a akisil leh Tallit sil a kila ahi e.Chijieh a chu dam mo ahi lou leh Keng a natna nei jieh a Adin ding u hahsa sa hon Tou pum a brakha asei uva Tallit akisil thei u ahi e.

14.Tallit chu akilhip nah lai pet hilou a akilhep lhah jou a akhut a achoi teng Brakha asei ding ahi e.Tallit lhep lhah pet ahilouleh Akisil nading'a aguon pet a brakha asei ding deisah ahi poi.Brakha asei teng akhut lang ni a atuh ding ahi e.

15.Khenkhat in Tallit bom a kon Tallit chu alah doh teng uleh asil masang in Tzizit(akhao ho) chu achop uvin chuleh Alhep lhah jou teng uleh abom a anung koi masang uvin Tzizit chu achop kit uve.chihi bol tei tei ngai ahipon hijongle Tzizit mitzvah angailut dan vetsah ahi e.

16.Tallit Brakha sei jou chuleh Tallit kisil kikah a ima dang a suh khen lou ding ahi e.Tekahna in Brakha asei jou teng uleh khenkhat in Tallit chu achop jui uvin chuleh asil pan jui uve.hiche hi Chondan dih ahi poi.Hita chu bol kha tahen lang hileh brakha avel a asei ngai poi.

17.Mi tam na a Pathen min suhtheng chu aloupi e akiti vang in Beith kneset(hou inn) a mi tam na a Mi khat in Birkat Tzizit asei a adang hon Alunggel(kavanah) a akihuop tha sah ding chondan aum vang in eiho hiti chun ichon po uve.Ajiehchu Dei bang tah a kihuop tha sah chuleh mi huop tha ding bol ithem po uve.

18.Ipi hitajongleh Pasal khat in Tzizit Brakha asei a chuleh Aloi pa jong ahuoptha guot a Aloipa in jong Amapa Brakha sei a akihuoptha sah ding a akigel leh Brakha sei a kila ahi na e.

19.Tallit kisil ding dan chu Birkat "Lehitatef BeTzizit" asei chai chai teng Tallit achu alu atuom ding.Among li jouse amalang a umsuh kei diu.Mong ni ajiet lang a um ding chuleh mong ni ma avei lang a um ding.Chijou teng Ajet lang a mong ni um teni chu alah a aliengkou vei lang akon anung lang'a ase doh ding.Amot li(4) beh chie na phat chu hitia chu um ding.chijou teng Avei lang a mong ni teni jong chu Aliengkou vei lang ma'a kon anung lang a ase doh kit ding.Amot li(4) beh chie na phat ma chu um kit ding.Aum chai teng Tallit mong ho chu aliengkou vei lang a kon alah lhah a Mong ni chu ama lang a aumsah a mong ni ma chu anung lang a aum sah ding ahi e.

20.Tallit a Brakha na sei jou a na ki tuom teng Na mai ho na tuom lou na ding a na ki chih them ding ahi e.Tallit a kituom teng Iluchung tuom ding chuleh kha nui chuleh Ingong vel kituom ahi bou e.

21.Taona man sung se a tallit a ilu khuo a pha ahi e.Shmoneh Esreh(Amidah) deh deh a ilu khu ding chu deisah dehset ahi e.

22.Tallit sil a Tallit Mong li(4) jouse Muffler bang a angong a sil mei mei chu Tallit sil a akila pon chuleh Brakha asei jong chu Brakha Levatalah ahi e.

23.Tallit Brakha asei jou a angong a akoi lai phat sungse a chu ham phal ahi poi.Alu akituom a angong lai a akoi phat sungse chu Ishmaelim te kituom dan akiti.Tallit chu atahsa pum pi'a asil masang a chu Kaddish ahilouleh Kedusha kisei pet ahileh adonbut thei ahi e.Tallit Brakha asei jou a Aloi pa in jong Tallit Brakha asei chai chet ahileh Amen ati lou ding ahi e.Brakha dang hideh set leh Amen adonbut lou ding ahi e.Hinlah Alu akhu man tah a leh Amen adonbut thei ahi e.

24.Brakha asei jou a Tallit'a alu Ishmael te akituom dan a atuom teng leh Khenkhat in "'H' Tzevaot Imanu" ti vel Torah akon Chang(Pasuk) ho asei jui uvin hinlah Chondan dihlou ahi.Ham phal lou ahi in chijieh a chu sei tho lou a Agel tho ding ahi e.

25.Brakha sei masang a Tzizit khao ho suh tup ding ahi e.Khao ho khat le khat kimat khom lou a achang chiet uva um diu ahi e.Arizal min in hitin sign apie uve."Tzizit"[ציצ"ת] chu 'Tz'adik 'Y'afrid 'Tz'iziyotaiv 'T'amid ahi e tin Rashei tevot in asei uve.

26.Shabbat ni hijongleh Tzizit khao hochu khat le khat akimat leh suh khen thei ahi e.Ahivang a Tallit khao aki khie leh aki koi jou masat na pen ahileh phal ahi poi.

27.Tzizit khao ho asuh khen jou teng leh Brakha levatalah asei lou nading a hoitah a Kasher hinam ti avet lhah angai e.Adieh deh a Among a aki khie na ho avet lhah ding ahi e.Tallit katan jong asil masang a avet lhah aphai.Hijongle Nisim seh a avet lhah ngai deh poi.

28.Beith Knesset(Hou inn) a alhun vaigei leh Tzizit khao ho chu avet lhah ngai poi.Midat khasidut jong chilai a hin aum poi.Taona ho achop kan lou na ding a akisil pei ding ahi e.

29.Tzizit ho avet lhah teng ule "Barkhi Nafshi et 'H','H' Elohai gadalta meod hod vehadar lavashta,Ote ohr Kashalma,Note Shamayim kayriah" chang hi asei jui uve.

30.Birkat Hatorah asei nai lou leh Achunga Chang kipa Barkhi Nafshi khu asei lou ding ahi ajiehchu Poskim khenkhat in Torah kisim ahilouleh kijil lou pet a bible chang ho isei ding leh Birkat Hatorah sei ngai ahi e ati uve.

31.Brakha sei masang seh leh Tzizit khao velha jui hon Erev Shabbat chuleh Erev Yom kippur tengle Tzizit ho ajing nikho a avet lhah lou nading a avetlhah ding ahi e.Ajing nikho a jong chu vetlhah thei ahina e.Shabbat ni ading tzizit atum a anei leh Motzai Shabbat leh avetlhah ding ahoi e.

32.Eiho chondan in Tallit katan chu sangkhol nui a aki ah e.Mitzvah "Ur'item oto" suh bulhit nading a I'ah teng uleh akhao ho vet ding ahi e.Tallit katan chu sangkhol chung'a ah ngai ahi poi.

33.Eiho Chondan a Tzizit khao ho chu sangkhol sung a aki koi e.Gedolei Hadorot Sefardim ho ma in Tzizit khao chu ala doh po uve.Kabbalah dung jui a jong hita chu um ding dol ahi e.Ashkenazi te chondan in vang polang a aki la doh e.Nam dang te lah a ache na ho a tot leh dai chavai na a anei ding uleh lah doh lou ding ahi e.

34.Tzizit in na mal ho atoh khah chu ima phal lou lou aum poi.Strict angai po e.

35.Lhan(cemetery) ho a ache leh Tzizit khao ho avon sung a akoi lut a asel ding ahi e.Chuleh Tallit Gadol chu sun nilhum a sil tei tei angai poi.

36.Khuo avah masang a Tallit asil tah a leh Khuo avah teng leh asil nah lai Asil to pum ahivang a chu Brakha asei thei ahi e.Hijongle Brakha asei tengleh Tzizit khao ho atham a aphai ajieh chu buina aum e.

37.Tallit chu asil lai a anal jieh ham a abon in khie lha jongleh anung sil kit leh Brakha asei ngai poi.Shmonah esrei(Amidah)asei pet ahileh midang in ahung koi phat pieh leh Shmoneh Esrei asei chai teng Tzizit chu atham a Brakha asei ding ahi e.Khenkhat in Brakha asei ngai poi ati ajieh chu Brakha sei di ham sei lou di ham akihet lou leh Brakha akisei poi.

38.Aloi khat chu Torah Aliyah akal nading ham ahilouleh Dukhan akal nading ham a Tallit ajah sah leh anung ah kit teng Brakha asei ngai poi.

39.Tallit chu na lhep tup jou a abom a na koi leh Na nung ah kit ding leh Brakha nasei ngai ahi e.

40.Beith HaKise(Sherutim) nache nuom jieh a Tallit chu nasut lhah leh Pungkal keh khat sung ahileh nanung sil kit ding teng brakha nasei ngai poi.Ahivang a Pungkal keh khat aval a leh na nung sil kit ding teng Brakha nasei ding ahi e.Adeh a Tallit chu nalhep tup jou a abom a nakoi leh nanung sil kit ding leh Brakha nasei ngai ahi e.Tallit chu Pungkal keh khat sung a chu alunggel a anung Ah pei kit ding ham ahilouleh anung Ah pei kit lou ding ham ti gel lou a amoh a asut lhah leh brakha asei ngai poi,Tallit katan sil hih jongleh.Avon akhel jou a Shiur Brakha nei Tallit katan chuom a ah leh Brakha asei thah ngai e Tallit katan ah pei hijong leh.Kave El Hashem kisei masang jep a Beith Hakise(Sherutim) achie nuom jieh a Tallit katan chu asut lhah leh anung kile teng anung sil ngai ta poi.Tefillin vang chu chomkhat hijongleh Beith Hakise(Sherutim) achie ding jieh a asut lhah hijong leh Anung vei kit ding teng Brakha asei thah ngai ahi e.Kanung kile teng kavei pei kit d he tin lunggel nei jong leh Brakha asei ngai ahi e.

{NOTE:Saif ka gop khom jong um jui ahi e ti ana hethem uvo.Hetthem lou leh suh dih ding namu a leh nei hin sei pieh uvin}.

BAALEI TZEDEKA SIPUR SHAVUA

BAAL SHEM TOV GAN EDEN:

*Rabbi Baal Shem Tov phat lai in Nupi khat in cha anei thei lou jieh in Baal Shem tov koma ahung thum thum jing in ahi.Baal Shem tov in jong cha anei thei di ham tin chunglang a nupi nu chunga athu tan dan uh ave in ahileh anei thei lou ding in aki tan e.Chijieh chun Nupi nu koma chun Nang hi Chunglang a Thu aki tan dol a cha nei lou ding nahi tin thu akitan in chijieh chun kei in amaho thu tan khel/lheh thei na d tha kanei poi tin nupi nu chu aseipih e.

Nupi nu chun Baal Shem Tov in hitia asei pieh vang chun alung alhah dai po in Baal Shem Tov koma chun ahung in mitlhi pum in ha thum in ahung thum thou thou e.

Baal Shem Tov in jong hitia avel avel a Mitlhi pum a ahung thum thum jieh chun Nupi nu koma chun Keima ka hinkho(Gan eden) kapie doh e,kum kit le cha nanei ding ahi e ati pieh e.

Hitia asei sei chun chunglang aki bui jeng uve.Van aw aging in Baal Shem tov in Gan Eden anei tah lou ding ahe akiti.

Gah gel ute!!Baal Shem Tov a tzaddik dan.Tuchan a Mitzvot ijat abol doh dem?Van a kipa man mu na a chun chan mun ijat anei dem?

Baal Shem Tov in ajah jah chun alung chomkhat a khe lha suh jieng e.Hijongle Second ijat ham khat jou chun ha kipah in akipah pei e.Tua hi Lungthim thengtah a Pathen ka hou thei ding ahi tai.Ipi Gan Eden?Gan Eden kadei poi.Pathen!Nangma ngailut na nei tah le dih tah a Ipi kipaman deina nei lou a kan hou thei cheh ding nahi e ati in akigel lha in akipah lheh e.

Hitia asei chai chai chun Van aw aging kit in Baal Shem Tov in Gan Eden apieh doh chu amangsah ahitan hijongle Chi Gan Eden anei alui pa sang a vei ni(2) a len jo kipe ding ahi e akiti.

Thusim ijah khah sa u jong hitan tin hijongle Kahin sei kit jieh chu Thusim ho akon jil doh d tam tah um ahi e.Thusim sim a jil doh ima nei lou chu Lhagao tahsa nei lou tobang ahi e..

BAALEI TZEDEKA MEMBER JOUSE!
CHULEH MUNTIN A UM SOPI JOUSE!
NUPI NU IN LUNG LHAHDAI NA ANEI LOU BANG A LUNG LHAHDAI NA NEI GUOT LOU DING AHI E.RABBI YISRAEL BAAL SHEM TOV IN IMANSAH DING UVA IDEI LOU PEN U AMANG SAH VANG A THIL APHA LANG A AVET A AKI SUH HAT KIT DAN GEL UTIN...TUCHAN A ANA KIMI MO A THIL PHALOU ANA KIBOL KHAH JIEH A THIL IMA NEI LOU HIJONG ULE HEN PATHEN IN AMA KOM A TESHUVA IBOL A IKILE DING U ANGAH JING E.

PA HASHEM IN LUNG DIH TAH A AMA KIN IBOL NADING UVIN ILUNG U SUH THENG THEI NADING THA LEH YETZER HARA JO THEI NADING HATNA EI PIE UHEN!!

BAALEI TZEDEKA HALAKHA YOMIT

HILKHOT ASHER YATZAR.
[YALKUT YOSEF SIMAN 6&7]

Note:
{ANEO=JUN}
{ALEN=EH}
{CHIE=BEITH HAKISE(SHERUTIM) LUT}

1.Birkat "Asher Yatzar" hi Isei teng leh Pathen in itahsa ho ahin sem dan,avang lai chuleh aki tuom lai aum sah dan ho,Tui thah lhah ding dol ho in thah lhah sah theina ho,mal khat apotdoh ding potdoh thei hih leh igenthei diu dan ho hoitah a gel ding ahi e.Khakhamim tehon Birkat Asher Yatzar mei mei a hi chihna tam tah mu doh thei ahi e ati uve.

2.Birkat Asher Yatzar hi Anshei kneset haGedolah hon ahin sem u ahin.Numei te injong asei ngai ahi e.

3.Birkat Asher Yatzar hi Minute 72 sung asei thei ahi e.chi phat huom sung hi SHIUR PARSA tin akihe e.Chi phat huom sung a asei lou leh asei lou ding ahi e.

4.Ju adon a aju don chun aneo pa achie chie mei nading aum sah leh achie jou seh leh Birkat Asher Yatzar asei ngai ahi e.

5.Adam lou aneo pa chie chie jing thei nading vetsahna in athin a suong um ho in jong aneo pa achie jou seh u,mal vat khat hijongleh Birkat Asher Yatzar asei u ngai ahi e.

6.Ajun tui check nading a neo khat tha doh jong leh Birkat Asher Yatzar asei ngai ahi e.

7.Ajun toh thi apot tha a leh Brakha asei lou ding ahi e.

8.Mein Shalosh sei thei nading thei(fruits) ham gam chang(grain) ham aneh pet a aneo ham alien ham chu achie ngai ahileh achie chai jou jou leh Khut asop ding ahivang a athil neh chu aneh be lou ding leh Mein shalosh brakha asei ding chujouleh Birkat Asher Yatzar asei ding ahi e.

9.Aneo pa chu achie jou a Brakha Asher Yatzar chu asei pei ding amanghil chijou a Brakha akhrona(neh jou thangvahna) sei thei nading a thil aneh a adon chuleh aneh leh adon sung a chu thil bol jongleh aneh or adon jou teng Birkat Asher Yatzar asei masat ding chujou leh Birkat Bore Nefashot asei ding ahi e.

10.Aneo pa achie jou a Birkat Asher Yatzar asei manghil,Minute 72 lhing jep lou a aneo pa achie ngai kit ahi a leh ga chie ding chujou leh khut asop a Abul a amanghil pen jong kavanah apieh tha a Birkat Asher Yatzar asei ding.khenkhat in ani na pa achie masang a Birkat Asher Yatzar khatvei asei ding chujou leh Aneo pa achie nuom chu gachie ding,Achie jou teng akhut asop a Brakha Asher Yatzar Khatvei asei kit d ati uve.

11.Birkat Asher Yatzar asei ham asei lou ham ti ahet tah lou leh Shem U'Malkhut pang lou a Brakha Asei ding.

12.Mi khat chun alung gel a Birkat Asher Yatzar asei a ahileh Aging a Birkat Asher Yatzar asei thei lou ahi tai.Chuleh Brakha alunggel bou a asei chu deisah ahi poi.Akam mangcha a aging a asei ding ahi e.Alung gel in sei tho kha tahen lang hileh mi dang Beith HaKise(sherutim) a lut ho koma kavana nei peh tha in tia asei a asei chai u anga a Amen tia adonbut ding aphai.

13.Lekhem vel aneh a,aneh sunga chu Beith haKise(Sherutim) a aneo ham alien ham chu achie ngai ahi leh Beith haKise(sherutim)a lut a chuleh aneo ham alien ham chu achie chai tengleh aneh tah lou ding ahi leh akhut asop chai jou teng Birkat Hamazon asei masat ding chujou leh Birkat Asher Yatzar asei ding ahi e.Kisei manghil in te ati leh Birkat Hamazon sei masang a jong asei thei ahi e.

14.Mezonot tichu Cake,Biscuit ho,thei kazayit aneh ahilouleh Tui Revi'it khatvei don a adon leh Beith HaKise(Sherutim)a achie ding achie chai tengleh Khut asop a Birkat Asher Yatzar asei ding chu jou teng Birkat BORE NEFASHOT asei ding ahi e.

15.Beith haKise(Sherutim) a ikin aneo hihen alien hijongleh Ichie/Ibol chai chai leh Khut sop a "Asher Yatzar" Brakha sei ding ahi e.Brakha Al Netilat Yadayim akisei poi.

16.Ehkho ahilouleh Eh thah doh thei lou jieh ham a aneo ham alien ham chu apot jing thei na dinga Doctor pa in lou(medicine) aneh sah leh Aneo ham Alien ham chu achie chai jou seh leh akhut asop a Brakha "Asher Yatzar" asei ding ahi e.Edema kiti natna avei lou nading a Lou "PUZID" kiti chu aneh leh aneo pa achie chie thei nading ahi in Ache jou seh leh akhut asop a Brakha Asher Yatzar asei ding ahi e.Adam lou(sick) chun alen pa ham aneo pa ham chu apot nading a lou aneh a Aneh jou a kimat chet a aneo ham or alien ham chu abol ngai ahi leh achai na bou teng Brakha asei ding ahi e.

[Jih khel aum a nahet a leh nei su dih uvin]