"Baalei Tzedeka"

*Baalei Tzedeka kiti hi alhangpia hetthei ding a sakho lang a kiloikhomna khat ahi in.English a Literal tah a isei leh "Masters of Charity/Philanthrophies" ahi e.Asei nuom leh ako chu ahileh khat le khat kiphaldoh na leh kipiehdohna Thilpha ding leh Pathen ading a[mi a'genthei khat sum(money) apieh akuon bou hilou a mi aki thuopi thei dan dan a lungthim ahoi thei pen'a kithopi]=[charity Pathen koma lungtheng tah a akipieh doh bang a/Ipu u Yitzkhak Pathien koma Moriah molsang a maicham aa aum'a a'lungthim pumpi a aki pieh doh bang'a kiphaldoh/kipiehdoh] na deisah a kibol ahi.Short form in "BAYTZAD" ana kiti in ahi.

Baalei Tzedeka Tup le Doi(Objectives);-

Hiche kiloikhomna hi khat le khat kitho khom a kilungtoh tah a houlam hihen tahsa lam hijongleh houbung machalna ding leh Ahava(kilungsetna) khat le khat kikah'a ahung umthei nading deisahna jieh chuleh adehset'a khanglai ho leh ahung khanglen ding ho machalna ding a kum sottah kigel a hung kibol doh ahi e.

Baalei Tzedeka hi Tu B'Av,15th of Av 2008 kum chun phudoh anahin ahi.Ahivang in Public hetding in ana kibol nai po in ahi.Public a ana kiseidoh lou ajieh ho ahileh;-

1.Mi ana kilhom jieh ahi.

2.School kai ngen ana kihi jieh injong seidoh ana hipoi.chuleh,,,

3.Mi neilal akihi jieh leh mi pilhing mong mong ana ki umlou jieh ahi.

Hinlah akiphudoh masang in jong machalna ding lunggel ngaiton khangthah phabep in hou lamkai hougut ho kithopina  toh kilhon in pan ana la jing uvin ahi.Hougut lamkai phabep hochun hou lekha mang cha in lhagao lam a kitilkhouna chu ana bol uvin ahi.Hiche pet lai a khangthah ana kiloikhom ho natoh phabep ho ve ute;-

1.Damlou ho Psalm simpeh na.

2.Houbung kithopi.eg,Houbung Social Work Days(khanglai ahijieh mei mei hilou a,A Kiloikhomna'u chie dan ahijieh jong).chuleh...

3.Torah,Parasha, Ivrit chuleh adang dang  khat le khat kihil tuo a machalna tuop jing.

Baalei Tzedeka in chie tobang machalna lunggel ahin nei na ajieh ahileh  Rabbi Baal Shem Tov in Chassidim ahin phudoh akuon chuleh Atupa Rabbi Nakhman in Breslov ahin phudoh akuon'a Europe a Judah te lhagao lam'a alhasam ho machalna tamtah ahin bol hon bangchun Machalna ding ngaiton hichie Kiloikhomna "Baalei Tzedeka" hi hung kibol doh ahi.

Baalei Tzedeka ahung kiphu til'a kon in Bikkur Kholim ana ha kibol in chule ana ha kichiepi dehset in ahi.Kipa umtah in Kum 2011 chun Baalei Tzedeka a'ding in machalna lentah leh chiedan kikhelna ahung um in ahi.Mipi mutheilou leh mu kham jong hilou masang a kiloikhomna chu Hashem deisah /phatsah akon in lhangphuong(Public) in achung a kum kisei kum 2011 Baalei Tzedeka Anniversary Tu B'Av(15th of Av) kimang jou akuon chun het ahung hi in ahi.Hiche jou chun Member ahung kipunbe in chuleh machalna Sihmi(Ant) ti hijongleh akimu be akuon in Tup le doi ho neocha lolhinna hijongleh su bulhit thei ding in tahsanna inei thei uvin ahi.Chuleh ibon uvin Hashem vahchoi utin Member tamtah Bnei Menashe Aliyah 2013 chun ina jao uvin,Gamtheng Gam tep gam a chun member phabep i'um tauvin ahi.

Kipathu:A'kiphu masang leh Ahung kiphu jou akuon'a Pan ana la ho leh ahung la ho jouse chunga kipathu ahung kisei in ahi.Pa Hashem in machalna leh lolhinna chu eihin pie jiing uhen.

Note:

*Member ho hetsah nuom chu Baalei Tzedeka hi kichoisang na di ahipo in chuleh houlam a kiloikhomna chuom chuom ho toh kitetna ding a kibol ahipoi.Aki phudoh jieh nahet nuom uva leh achung a Objectives khu ve uvin.

*Member ho hetsah nuom kitchu a group min "Baalei Tzedeka" hi ha khohsah lou a Pathen ading a inatoh u Ikhohsah joh ding uvin iki tem uve.