PARASHAT TOLDOT

UPAT HINA-

Ipi jeh'a Yaakov Avinu in Upat hina ana kichoh ham?Alang khat'a Mi Upa hina dol'a Esav chu Yaakov Avinu in Ja na apeh ding dol hilou?Kabed Eth Avikha ve'Eth Imekha kiti chula.Ipi jeh'a 'Eth' chu kijaosah khel khel ham?Thil dang jong ahung belap nuom ahi e.Ipi thil?Isang'a len jo ho jong ja na peh ding hi ahuop ahi e ti ihin hilnom u ahi.Ramban in 'Eth' tilou ajong Apa kijana,tichu..Avikha chun ahuoptha ahi tai tin asei uve.

Khizkuni in Midrash Lekakh Tov dungjuiya hitin asei e. Yaakov in Kasopipa,Kei sanga tah jo chu ka ja angaiye hinlah Rasha(Miphalou) ahileh vang Kavod peh ding alom poi ati chijeh achu,A'Upa hina dol'a ja na apeh lou'a Kinyan'a Annoi(Changlhah leh abechim hon minsa) huon chu ana kichoh sah ahi e.

Mefarshim khenkhat in hitin ahilchen uve.Esav in Upat hina chu nuoise leh dei lou tah'a ana bol jeh'a Yaakov in akichoh doh thei ahi ati uve. Yaakov in asopipa chu Ja bol ding ham ahilouleh ja bol lou ding ham ti ana gel e.Chijeh'a chu Yaakov Avinu in Upat hina chu athum khel khel ahi.Ajehchu Asopipa Esav in Upat hina adei lou leh Esav in Upat hina dol'a tha(Rights) anei hochu apei lhah tobang ahi ta in,Mi Upa hina dol'a Ja ngailou ding ahitai.Alangkhat in Upat hina chu ana gelkhoh na lai hen lang hileh Yaakov Avinu in a"Upa hina dol'a aja ding dol ahi e.Yaakov chu Talmid Khakham ahileh Asopipa joh chun Aja bol ding dol hilou?Halakha dungjuiya Rav Ovadya Yosef in Halikhot Olam Parashat Shoftim Oth 24 na achun Talmid khakham khat chu a'Inn sung'a Ama bou Torah jil-Talmid Khakham ahileh Torah jil lou asopite hon A'Torah jal'a chu Ja na apeh ngai'u ahi ati.Shulkhan Arukh dungjuiya chu Atahpen pa aja ngai'e tin akisei nai.hijongleh Seif aban chet'a chun Atahpen pen pa chun Torah jil-Talmid khakham asopipa chu nuoise tah'a abol leh asopipa(Talmid Khakham)chun Nidui abol thei ahi ajehchu Torah ja lou tah'a abol jeh'a chu Maase Imekha abol lou ahi tan,Tahjo jong leh Ja na apeh ngai poi ati.Rema in Ama chu Talmid Khakham hijongleh,ama saang'a tahjo Asopipa chu aja ngai ahi ati.Poskim hon hilai'a asopipa kisei hi atahpen pa bou kiseina ham ahilouleh ama saang'a tahjo asopi jouse,Numei leh Pasal hileh kiseina ham tin ngaidan chuom chuom anei uve.Beith Lekhem Yehudah in Arizal dungjuiya hitin aseiye.Atahpen pen pa-tichu.,Apa din mun'a akhel'a lut ho bou kiseina ahi ati.HaRav HaKhida in vang Beith Lekhem Yehudah in achung'a Arizal dungjuiya asei hi Nuskha dih lou ana nei khah ahi ati.Aseibe na achun Shevitat Yom Tov in Zohar lekhabu'a akimu dungjuiya pansah na anei guot chu Pan na thei ahi poi.Ajehchu Arizal akon kimu chu ama saang'a tahjo jouse abon'a aja ngai ahi ati.Ari HaKadosh tilou Zohar thucheng'a thuh tah'a lut koi um ding ham.

Re'em in Upat hina chu hitia kichoh doh thei mong hinam?tin adong'e.Choh thei ahileh Kohen hina jong chu Israel in jong achoh thei ding ti na hilou?Pathen in Avraham koma Kohen aitih ading nahi ati vang'a Avraham suon leh Pah jouse in Kohen hina chu anei ahi deh poi.Yitzkhak bou kiseina ahi.Hoilai akon mu doh thei ham?Ajeh chu Pathen in Yitzkhak akon bou Na Chilhah kisim di ahi ati.Esav chu Upat hina akon Pasul ahileh Yaakov bouseh chu Chi Panmun ding'a chu lhing jou ahi.Chijeh'a chu Yitzkhak suon leh Pah'a kona Kohen hina nei'a chu Yaakov bou ahi.Alangkhat'a Avodah-tichu,Pathen kin bol chu Kohen tilou mi dang in jong A'Tzaddik phot leh abolmo ahipo in Hijongleh Mi'Upa ho jaa na'a chu Mi Upa ho aum uleh Amaho kibol sah ji ahi tin Gur Aryeh lekhabu'a Maharal in aseiye.

SHALOM BAYIT

NUMEI IN CHONSETNA ASOP THENG THEI DEM?

Mikhat chun Mitzvah Ase apalkeh khah'a Teshuvah abol photle Ngaidam na amu pei ahi.

Mitzvah Lo-Taase apalkeh jou'a Teshuvah abol le,Yom kippur nileh ngaidam na chang ding ahi.

Karet toh Beith Din in tha ding'a thu atan khum thei ho apalkeh khah leh,Teshuvah bol hen lang Yom kippur mang jongleh ngaidam chang jou nai lou ahi,Ngaidam achan na ding'a Genthei/Hahsat athuh ngai ahi.

Khilul Hashem abol khah leh,Thina bou'in Achonsetna asop ding,adang jouse in Aman thai nading a aven mai mai'u ahi.(Gemara 86a)

Mishlei 18;22 na achun hitin akijih'e.Pasal in Numei ji akimu tengleh Nun noma ahitan(tichu Thilpha akimu ahitai),hijeh chun Pakaiya konin jong Lung lhaina akimui.Hebrew'a Vayafek kiti chu Hup bing kiseina ahi tin Rabbi Khama bar Khanina in asei e.Tichu Pathen in Achonsetna ho chu akoidoh'a athah beh'a Avet kiseina ahi.Yerushalmi Bikurim 3;3 in vang achonsetna jouse kingaidam ahi ati.Maharsha in vang Chonsetna Lunggel nei thei na akon kihuhdoh ding kiseina ahi ati.Gemara Masekhet Yevamot 63a na achun Numei Pha leh Pha lou chungchang akisei e.

Kohelet Bung 7:26 na achun Shlomo Lengpan Thina sang'a jong Khaveng vung Numei khat kamudoh e ati.Rashi in,Khazal hon Thilsom ahahsa ana kisem asei ho'u sang in jong Numei hi ahahsa jo nalai'e ati.Lai'a Numei kisei hi Mefarshim Khenkhat in Numei Pha lou,Kitah lou,A'jong kiseina ahi e ati uvin,Khenkhat in vang Minut tichu Sakho chenna lhongpi Tahsanna toh kikal ngaidan leh Tahsan na nei  kiseina ahi ati uve.Gemara Masekhet Bava Bathra 10a na achun Pathen in Thilsom ahahsa ana sem ho chu akisei e.Gemara Masekhet Eiruvin 41b na achun hitin akijih e.Mi chi thum in Gehinom mai amu lou diu akiti.(a)Dikdukei Aniyut-Vaicha val,(b)Kholeh Me'ayim-Sung kho chule (c)Reshut-Mi Achunga thunei.Khenkhat in koi hileh Numei phalou(Isha Ra'ah) ji'a nei jong tin asei uve.

Gemara ahi Ngaidan ni um ahi.Ngaidan masa pa in Numei Phalou ji'a nei asim lou ahin Ngaidan ni na pan asim tha ahi e.Ngaidan masa pa dungjui'a Numei Pha lou chu Ajipan akhen leh kichai chula?Akisei mabang'a Numei pha lou khen chu Mitzvah hichula.chijeh'a chu asim tha lou ahi.

Ngaidan ni na pa dungjui'a Ipi jeh'a Khen ding ati lou ham?Ajehchu Ketubah'a aleu na ding apeh jou lou jeh'a chu akhen thei lou hithei,Chi nu'a kon Cha anei jong hithei ahi.

Chi achunga thum kisei hohi het ngai ham?Het ngai ahi ajehchu Achunga chi thum ho hi ahung chuh khah leh Lungset na leh Ngailut na nei tah in kisan hen,Ajehchu achonset kingaidam ding ahi ati.

Imu thei uchu Numei Pha lou hihen lang Numei Pha hijongleh Pha soh kei ahi.

SHIUR SHALOM BAYIT

 Bereshit lekhabu achun Adam leh Khava Thusim ina sim uvin ahi.Adam leh Khava ahung chonset jou chun Pathen in Adam HaRishon chu ana ki hou pi in Theiga neh lou ding kati chu Na Neh hitam?tin ana dong e.Adam HaRishon in jong kei'a dinga nei hin sem pieh Numei nu hin,eihin neh sah ahi tai,tin ana donbut in ahi.Question doh thei chu Adam HaRishon in ipi jeh'a Numei nu chu angoh ham?Athusim chu ivet leh Gul chun Numei nu chu alhep'a achonset sah chula!Zohar lekhabu ivet be uleh Gul chu Satan ahilouleh Yetzer Hara kin bol hibou chula!Chu chi ahileh amo tah tah ding chu Satan ahilouleh Yetzer Hara joh hichula.

Chumabang'a chu Ihin kho uva hi Yetzer Hara in Pathen Phalna'a mihiem ho apatep jui ahi.Koi hileh Mi Ching chun Hahsatna katuo hi Yetzer Hara jeh ahi bou'e ati thei leh Shalom Bayit chu anei ding.Girushin leh Galut akon'a ki huh doh ding ahi.Adam HaRishon in amu lou chu Gul(yetzer hara) in Ajinu achonset sah chu ahi.Numei nu in jong amu lou chu Gul chu Satan/Yetzer Hara solchah'a apang chu ahi.

PARASHAT NOAKH

IPI JEH'A NOAKH IN AKHANG MITE ATAOPIEH LOU HAM?

I'Parasha uvin Noakh chilhah ho chu ahin sei guo tan hinlah Noakh chu Tzaddik ahi ti ahin tah lang masa khel khel in ahi.Ipi hileh Tzaddik kiti chu ipi ham?Tzaddik kiti chu ahilchetna tamtah aum nai.Rabbi Moshe Khaim Lutzato(Ramkhal) dungjuiya Tzaddik kiti chu Mikhat in Zehirut,Zerizut toh Nekiyut ahin jo tengleh bou Tzaddik kiti level chu aphah pan ahi.Mesilat Yesharim perek 13 akipatna achun asei e.Baalei HaTosfot hon Koi hileh Mi kihinsuo nading'a neh leh chah pie chu Tzaddik tia kisim ahi ati uve.Alang khat'a Tzaddik kiti chu Tzade chu 90 Amen,Dalet chu 4 kedusha,Yud chu 10 Kadish,Kov chu 100 Brakha abol leh kiseina ahi akiti.

Noakh in akhang mite ataopieh lou jeh chu Ama geldan'a Tzaddik tia ama leh ama akigel lou jeh ahi.Tzaddik nistar(kiselguh) dang um nan te ti ahi.Ama ho jal'in kisumang ponte tia jong agel ahi.Pathen in asei peh chu Nangbou Tzaddik tia kan mu nahi ati.Hinlah Pathen in asei peh nuom chu aman tuoh poi.Pathen in aseipeh nuom chu Mi Chonpha dang um nan te tin gel hih in.Nangbou Mi Chonpha tia kan mu nahi in Nang tilou,nakhang mite taopieh ding aum poi.Kipatdoh in lang Taopieh in ti ahi.

Mihiem in po lang bou imu uvin,Hinlah Pathen in mi lungsung amu ahi.Noakh phatlai achu Mi ho hi mi vetding a chonpha suoh kei'u ahi.Chu tah leh ama ho leh ama ho mitveh ding'a chonpha suoh kei'u ahi.Midrash in asei na achun Shave Prutah lhinglou Dukan neipa thil ala jui uve ati.Ipi jeh'a Prutah lhinglou thilkhat alah khel khel u ham?Ama ho mitveh'a chu Prutah lhing ilah leh Daan kipal keh ahitan chuva Daan ihin pal keh'a kon'a chu Rasha akihi tai tin Tzaddik daan a akigel jeh'uva chu Rasha chondan a chon lou tei tei nading abol uve.Chijeh'a jong hi Teshuva nei ding alung gel uva um lou ahi.Thil ima kabol khel poi tin nuom tah in aki um uvin ahi.Chuti lou'a jong Akhang miten Noakh Tzaddik na jal'a  Pathen in Ei su mang pouvin te tia agel'u ahi.Achonpha lou a kigel jing pa Teshuvah ha nei pen pen pa chu Koima dang hilou Noakh ahi.