BAALEI TZEDEKA SIPUR SHAVUA

BAAL SHEM TOV GAN EDEN:

*Rabbi Baal Shem Tov phat lai in Nupi khat in cha anei thei lou jieh in Baal Shem tov koma ahung thum thum jing in ahi.Baal Shem tov in jong cha anei thei di ham tin chunglang a nupi nu chunga athu tan dan uh ave in ahileh anei thei lou ding in aki tan e.Chijieh chun Nupi nu koma chun Nang hi Chunglang a Thu aki tan dol a cha nei lou ding nahi tin thu akitan in chijieh chun kei in amaho thu tan khel/lheh thei na d tha kanei poi tin nupi nu chu aseipih e.

Nupi nu chun Baal Shem Tov in hitia asei pieh vang chun alung alhah dai po in Baal Shem Tov koma chun ahung in mitlhi pum in ha thum in ahung thum thou thou e.

Baal Shem Tov in jong hitia avel avel a Mitlhi pum a ahung thum thum jieh chun Nupi nu koma chun Keima ka hinkho(Gan eden) kapie doh e,kum kit le cha nanei ding ahi e ati pieh e.

Hitia asei sei chun chunglang aki bui jeng uve.Van aw aging in Baal Shem tov in Gan Eden anei tah lou ding ahe akiti.

Gah gel ute!!Baal Shem Tov a tzaddik dan.Tuchan a Mitzvot ijat abol doh dem?Van a kipa man mu na a chun chan mun ijat anei dem?

Baal Shem Tov in ajah jah chun alung chomkhat a khe lha suh jieng e.Hijongle Second ijat ham khat jou chun ha kipah in akipah pei e.Tua hi Lungthim thengtah a Pathen ka hou thei ding ahi tai.Ipi Gan Eden?Gan Eden kadei poi.Pathen!Nangma ngailut na nei tah le dih tah a Ipi kipaman deina nei lou a kan hou thei cheh ding nahi e ati in akigel lha in akipah lheh e.

Hitia asei chai chai chun Van aw aging kit in Baal Shem Tov in Gan Eden apieh doh chu amangsah ahitan hijongle Chi Gan Eden anei alui pa sang a vei ni(2) a len jo kipe ding ahi e akiti.

Thusim ijah khah sa u jong hitan tin hijongle Kahin sei kit jieh chu Thusim ho akon jil doh d tam tah um ahi e.Thusim sim a jil doh ima nei lou chu Lhagao tahsa nei lou tobang ahi e..

BAALEI TZEDEKA MEMBER JOUSE!
CHULEH MUNTIN A UM SOPI JOUSE!
NUPI NU IN LUNG LHAHDAI NA ANEI LOU BANG A LUNG LHAHDAI NA NEI GUOT LOU DING AHI E.RABBI YISRAEL BAAL SHEM TOV IN IMANSAH DING UVA IDEI LOU PEN U AMANG SAH VANG A THIL APHA LANG A AVET A AKI SUH HAT KIT DAN GEL UTIN...TUCHAN A ANA KIMI MO A THIL PHALOU ANA KIBOL KHAH JIEH A THIL IMA NEI LOU HIJONG ULE HEN PATHEN IN AMA KOM A TESHUVA IBOL A IKILE DING U ANGAH JING E.

PA HASHEM IN LUNG DIH TAH A AMA KIN IBOL NADING UVIN ILUNG U SUH THENG THEI NADING THA LEH YETZER HARA JO THEI NADING HATNA EI PIE UHEN!!

BAALEI TZEDEKA HALAKHA YOMIT

HILKHOT ASHER YATZAR.
[YALKUT YOSEF SIMAN 6&7]

Note:
{ANEO=JUN}
{ALEN=EH}
{CHIE=BEITH HAKISE(SHERUTIM) LUT}

1.Birkat "Asher Yatzar" hi Isei teng leh Pathen in itahsa ho ahin sem dan,avang lai chuleh aki tuom lai aum sah dan ho,Tui thah lhah ding dol ho in thah lhah sah theina ho,mal khat apotdoh ding potdoh thei hih leh igenthei diu dan ho hoitah a gel ding ahi e.Khakhamim tehon Birkat Asher Yatzar mei mei a hi chihna tam tah mu doh thei ahi e ati uve.

2.Birkat Asher Yatzar hi Anshei kneset haGedolah hon ahin sem u ahin.Numei te injong asei ngai ahi e.

3.Birkat Asher Yatzar hi Minute 72 sung asei thei ahi e.chi phat huom sung hi SHIUR PARSA tin akihe e.Chi phat huom sung a asei lou leh asei lou ding ahi e.

4.Ju adon a aju don chun aneo pa achie chie mei nading aum sah leh achie jou seh leh Birkat Asher Yatzar asei ngai ahi e.

5.Adam lou aneo pa chie chie jing thei nading vetsahna in athin a suong um ho in jong aneo pa achie jou seh u,mal vat khat hijongleh Birkat Asher Yatzar asei u ngai ahi e.

6.Ajun tui check nading a neo khat tha doh jong leh Birkat Asher Yatzar asei ngai ahi e.

7.Ajun toh thi apot tha a leh Brakha asei lou ding ahi e.

8.Mein Shalosh sei thei nading thei(fruits) ham gam chang(grain) ham aneh pet a aneo ham alien ham chu achie ngai ahileh achie chai jou jou leh Khut asop ding ahivang a athil neh chu aneh be lou ding leh Mein shalosh brakha asei ding chujouleh Birkat Asher Yatzar asei ding ahi e.

9.Aneo pa chu achie jou a Brakha Asher Yatzar chu asei pei ding amanghil chijou a Brakha akhrona(neh jou thangvahna) sei thei nading a thil aneh a adon chuleh aneh leh adon sung a chu thil bol jongleh aneh or adon jou teng Birkat Asher Yatzar asei masat ding chujou leh Birkat Bore Nefashot asei ding ahi e.

10.Aneo pa achie jou a Birkat Asher Yatzar asei manghil,Minute 72 lhing jep lou a aneo pa achie ngai kit ahi a leh ga chie ding chujou leh khut asop a Abul a amanghil pen jong kavanah apieh tha a Birkat Asher Yatzar asei ding.khenkhat in ani na pa achie masang a Birkat Asher Yatzar khatvei asei ding chujou leh Aneo pa achie nuom chu gachie ding,Achie jou teng akhut asop a Brakha Asher Yatzar Khatvei asei kit d ati uve.

11.Birkat Asher Yatzar asei ham asei lou ham ti ahet tah lou leh Shem U'Malkhut pang lou a Brakha Asei ding.

12.Mi khat chun alung gel a Birkat Asher Yatzar asei a ahileh Aging a Birkat Asher Yatzar asei thei lou ahi tai.Chuleh Brakha alunggel bou a asei chu deisah ahi poi.Akam mangcha a aging a asei ding ahi e.Alung gel in sei tho kha tahen lang hileh mi dang Beith HaKise(sherutim) a lut ho koma kavana nei peh tha in tia asei a asei chai u anga a Amen tia adonbut ding aphai.

13.Lekhem vel aneh a,aneh sunga chu Beith haKise(Sherutim) a aneo ham alien ham chu achie ngai ahi leh Beith haKise(sherutim)a lut a chuleh aneo ham alien ham chu achie chai tengleh aneh tah lou ding ahi leh akhut asop chai jou teng Birkat Hamazon asei masat ding chujou leh Birkat Asher Yatzar asei ding ahi e.Kisei manghil in te ati leh Birkat Hamazon sei masang a jong asei thei ahi e.

14.Mezonot tichu Cake,Biscuit ho,thei kazayit aneh ahilouleh Tui Revi'it khatvei don a adon leh Beith HaKise(Sherutim)a achie ding achie chai tengleh Khut asop a Birkat Asher Yatzar asei ding chu jou teng Birkat BORE NEFASHOT asei ding ahi e.

15.Beith haKise(Sherutim) a ikin aneo hihen alien hijongleh Ichie/Ibol chai chai leh Khut sop a "Asher Yatzar" Brakha sei ding ahi e.Brakha Al Netilat Yadayim akisei poi.

16.Ehkho ahilouleh Eh thah doh thei lou jieh ham a aneo ham alien ham chu apot jing thei na dinga Doctor pa in lou(medicine) aneh sah leh Aneo ham Alien ham chu achie chai jou seh leh akhut asop a Brakha "Asher Yatzar" asei ding ahi e.Edema kiti natna avei lou nading a Lou "PUZID" kiti chu aneh leh aneo pa achie chie thei nading ahi in Ache jou seh leh akhut asop a Brakha Asher Yatzar asei ding ahi e.Adam lou(sick) chun alen pa ham aneo pa ham chu apot nading a lou aneh a Aneh jou a kimat chet a aneo ham or alien ham chu abol ngai ahi leh achai na bou teng Brakha asei ding ahi e.

[Jih khel aum a nahet a leh nei su dih uvin]

BAALEI TZEDEKA

VAYAGAR MOAV MIPNEI HA AM MEOD "KI RAV HU".(BEMIDBAR 23:2-3)
-MOAV CHUN ISRAELTE TAM THUDOL AJAH PHAT IN AKICHA LHEH E.

Yismakh Moshe lekha hin jih doh pa in hitin dohna anei e.Iti dan a Torah in KI RABIM HEM tia plural tichu atam a seilou a KI RAV HU tichu singular a asei ham?

Adonbut na in hitin asei e.Moab mite chun Israel te atam dan uh amu jieh uchun akicha na uve chu chok hilou a Am Israel te chu aki lungtuo uva,lung khat mi khat tia apangkhom teng uleh nam dang hon kichat na aha nei joh uve.

Am Israel techu aki lung tuo uva apang khom teng uleh Ipi kam leh thil in jong ajou po uve.

Moab mite hon Am Israel te aki lung tuo uleh apan khom dan ho avet uleh Mi khat bang a amu jieh uva chu KI RAV HU tia kisei ahi e.

Tua achung a kisei hi mun jouse a poimo ahi e.Inn sung a ki lungtuo a pang khom na,community chuleh national level ajong.

Baalei Tzedeka Member jouse!!
Hoilai gam a um jongleu chun Member na hi uve.Hoi tah in ki gel u hite.Nuom le da a mi pan sah d aki dei deh poi.Lhahsamna tam tah ana kinei jieh in tua hi Moav mi ten ei mu uhen lang hileh eiho hi KI RAV HU ti ta lou a KI RABIM HEM tia ei sei diu ahi e.Iki lungtuo lou uva ipan khom lou dan ho uhi Apha lou lang a ei pui nuom ho uvin mu uleh Ei kichat lou diu ahi e.Baalei Tzedeka hi min than na dinga kibol ahi poi.Khat le khat iki dop tou tuo na diu ahi e.Thil na bol thei u tam tah aum e.Yetzer Hara in apan na bei nan ti jong uleh Baalei Tzedeka ading in apan na nabei poi ti kan hetsah nuom uve.Pa Hashem ading in pangkhom ute chuleh Balak phat lai a Moav mi ten MI KHAT bou a eina mu bang uvin Pang khom utin chuleh Iki lung tuo dan uleh Ipan khom dan uchu Mi khat bang in Yetzer Hara chuleh mi jousen KHAT in ei mu kit uhen.PA HASHEM IN EI KITHOPI UHEN!!

BAALEI TZEDEKA

NACHUNG'A CHU DING A NADEI LOU CHU MI CHUNG A BOL HIH IN.

*Mihiem in chi leiset a mi thu itan dan dan a chunglang a ei thu kitan ahi e.Mi chunga thil pha nabol leh chunglang a kon nachunga thil pha lhung d ahi e.Mi apha lang a athu na tan leh nang chunga thu pha ngen a atan diu ahi.Shmirat Halashon a Khafetz Khayim in hitin aseiye.Mi thu aphalou a mi khat chun atan teng Chi thu phalou ho akitan na chunga thunei vantil chu athou doh ji in ahi ati.Chi thunei vantil hin thu aphalou a min atan dan chet in aheh/asei se jui e.Chi thunei vantil min chu "Saksuka" tin asei uve.Pirkei Avot in Mi thu na tan ho chu apha lang in tan pieh in ati,adehset a Teshuva bol thei ding ho leh Tzaddik ho.Mi khat chu akhoh e tia isei leh Chunglang a jong Ei akhoh tia kisei ahi e.Rabbi tam tah in mi phalou a na het pa jong chu vet tha da hih in,aum chan pha lou pa joh vet tha da in ati uve.Chutobang ma achu Talmid khakham khat amu a ading lou chu Talmid khakham pa aja lou in akila poi hinlah Talmid khakham pa sunga Torah thu cheng ho aja lou a kila ahi e.

Khafetz khayim in hitin tekahna apie e.Leng khat hin cha khat anei in achapa chang khat ahi jieh in alungse lheh e.Min achapa sei se jongle achapa ahuop in ahi e.Thilse abol jong le aki hetmo sah e.Hinla Mi dang hon acha pa aphapo in chuleh Ima lou in amoh khoh khoh e tia avel vel'a ahung sei teng ule alung ana jui e.Chi tobang chet a chu Pathen chate ihi uvin,Khat le khat ikisei set teng uleh chunglang a Ei hehse diu vantil chun ei hehse jui uvin Ichung uva Pathen alung ana jui e ati.

Chi chok chu hilou a Lengpa chapa hung seise ho chu lengpa in amu nuom poi ajieh chu Acha te aphat chuom na d sei lou uva kituo mona ding hung bol u ati.Khat le khat kisei set tuo sang a hoitah a ki hil them tuo joh guot d ahi e.Rasha khat ahiloule Aphat chuom na ding a lashon hara sei chu phal ahi na in hinlah deisah vang ahi poi.Aphat chuom nading a lashon hara sei sang a Ijat vei hijongleh hil them joh guot d ahi e.

Khat le khat ikisei set tuo lou uva Apha lang a iki hetthem tuo thei teng ule Shalom kiti CHAMNA chu um ahi e.Am Israel te chu aki lungtuo phot uva lim semthu hou u jongleh Pathen alunghang poi.Avetsah na in Akhav phat lai in Am Israel te lah a Milim semthu hou ana um uvin hinlah Gal bol a ache teng uleh ana jou jui uve.Milim semthu hou ding katina ahipoi.Lashon Hara sei chu Milim semthu hou,Tuol that,chuleh Chon thanghui athum a bol toh kibang ahi e tin asei uve.Chi jeh a chu Mi chunga thil se leh thuse sei bol guo hih inlang Mi chunga thilpha leh apha a mi bol ding guo in.

BAALEI TZEDEKA HALAKHA YOMIT

NETILAT YADAYIM LAYOTZE MIBEITH HAKISE(SHERUTIM)
[YALKUT YOSEF SIMAN 4]

{Bathroom=Beith haMerkhatz.
Toilet/Sherutim=Beith haKise.}

1.Beith hakise(Sherutim) akon pot doh teng khut khatvei bou Berez mangcha a sop thei ahi in chuleh khon jah angai khel khel poi.Hinla eiho chondan chuleh ahoipen chu Khon jah chuleh thum vei vei chiet sop ahi e.

2.Beith hakise(Sherutim) a thil na lah nuom leh na lah jou leh na khut na sop ngai ahi e.Beith hakise(Sherutim) kot kom cha khat a na thil lah d chu aum leh lut lou a na lah doh thei ding ahi leh na khut na lah na pen pen chu na sop ding ahi.

3.Beith Kneset Beith hakise(Sherutim) a na lut jou a na hung potdoh a Kadish ahilouleh kedusha kisei pet ahileh na khut chu na von ho a na thih a "Amen" ho na donbut thei ahi e.

4.Beith hakise(Sherutim) a kon potdoh jou teng khut a mit ho,bil ho tham phal ahi e.Beith hakise(Sherutim) sung a um teng jongle tham phal ahi e.Chi hi jingkah tho doh jou a khut sop masang a Beith HaKise(Sherutim) nalut kiseina ahipoi.Yalkut Yosef in Jingkah tho jou a khut nasop masang a Beith HaKise(Sherutim) na lut leh na bil,na mit ham chuleh na tahsa a ipi ham chu na strict a na tham lou ding apha e ati.Hutilou a chu adang a Sherutim na lut a na tham chu phal ahi e.

5.Beith hakise(Sherutim) na lut jou a na khut na sop na tui chu Inn juot na ho a man thei ahi e chu chok chu hilou a pahcha tui ho pieh na a jong man thei ahi e.

6.Beith hamerkhatz(Bathroom) a Beith hakise(Sherutim) aum lou na ho a khut Berez(tui kai na) akon Seudah ading hihen,Jingkah tho ading hijongle sop thei ahi e.Chi Beith hamerkhatz(bathroom) a hi Torah thu ahilouleh thil theng ho aki gel ngei poi.Poskim chule Talmud in hiche Beith ha merkhatz(bathroom) a hin Lhagao pha lou/thenglou ho aum deh poi adeh deh a tu khanga Eiho bathroom thengset ho ahin aum poi ati.Chijieh a khut sop thei ahi asung a hijongle Brakha vang chu Beith hamerkhatz(Bathroom) akon apotdoh teng asei d ahi e.

7.Beith haKise(Sherutim) a khutsopna um ho a kisop jong chu Brakha po lang a sei ngai ahi e.Apoimo mong mong a leh Tui kap na um ho a jong khu khut sop thei ahi in deisah vang ahipoi hutilou a chu apoimo mong mong lou leh sop lou chu deisah pen ahi e.

8.Len na(aeroplane) chuleh Train a Beith haKise(sherutim) a alut a abol ding ho abol chai tengleh Beith haKise(Sherutim) chu asin ding chuleh Akhut asop ding..Ache na ding mun alhun tengleh khatvei asop kit ding ahi.

9.Beith haKise(Sherutim) sung a khon a tui jan khovah a aki koi a leh chi tui a chu khut sop lou ding ahi.Tui chu aki khu ale vang sop thei ahi.

10.Beith haMerkhatz(bathroom) Beith haKise(Sherutim) um lou na a chu neh thei ho choi lut phal hijongle khu tup ngai ahi e.

11.Mikveh chuleh Beith haMerkhatz(Bathroom) a kide or kisil chai teng akhut khat vei asop ngai ahi e.Khon vang chu angai poi chule thum vei vei akisop poi.

12.Mikveh chuleh Beith haMerkhatz tichu Bathroom(sherutim um na) a thil alah d aum leh apotdoh ding teng Akhut asop a aphai.Asop lou jongleh khoh dih lou hijongle asop a le brakha amu ding ahi e.Bathroom sherutim um lou na a vang chu thil alah ding bou ahileh akhut asop ngai poi chu chung chon a kabol nuom e tichu midat khasidut ti jong leh asop ngai poi.

BAALEI TZEDEKA

17TH TAMUZ AKON 9TH AV CHAN A CHONDAN HO.

17th TAMUZ akon 9th AV Kikah chu "YEMEI BEIN HAMETZARIM" Akiti e.

1.Sefardi te chondan in 17th Tamuz akon Rosh Khodesh Av chan KICHEN PHAL ahi.chuleh Rosh Khodesh Av jan apat Tisha b'Av kichai chan KICHEN PHALLOU.

2.Simkhat Mitzvah tichu PIDYON HABEN,BRITH MILAH,SIYUM MASECHET ho a laa tum ging ho toh SAH PHAL ahi e.Hutilou a chu Phal ahipoi.Rosh Khodesh Av akon in adan akhou dehset e.

3.Laa Tum ging um lou a Taona man pet a Pathen Thangvahna a SAH PHAL ahi e.chi chok hilou a YEMEI BEIN HAMETZARIM kikah Shabbat ho a Shabbat laa ho sah phal ahi e chuleh Taona ho a Taona laa kisa ho sah thei ahi e.

4.YEMEI BEIN HAMETZARIM kikah a Shabbat ho a Shehekhyanu bracha sei thei ahi e.Hinla Shabbat nikho lou a Shehekhyanu bracha asei lou na ding a akiven aphai.tichu thei thah neh lou guot ding,Von thah ho choh lou guot ding.Rosh khodesh Av chan von chah choh thei ahi e.Chujou a kon choh lou ding ahi.

5.Mi khat chun Yemei Bein Hametzarim sung a thei khat brakha asei a brakha asei jou a aneh masang a thei thah ahi ti agel doh leh Shehekhyanu bracha asei a aneh ding ahi e.

6.Thei thah Tisha b'Av jou a amu lou ding ahi tah leh Bein Hametzarim sung a Shabbat ni hi hih jongleh Shehekhyanu brakha asei khum a aneh thei ahi e.Nikho dang hilou a Shabbath ni a asei ding chu deisah pen ahi e.

7.Von sop ho jong Sefardi te ading in Tisha b'Av alhun na hapta bou khun aki bol poi.Ashkenazi te in vang Rosh khodesh Av akon in a strict mong mong ta uve.

8.Saa neh vang chu Yerusalayim chondan in Sefardi te ading in Rosh Khodesh Av akon in 10th Av chen chu Ashkenazi te bang in a strict uve.Seudat Mitzvah ho a vang Saa chu Rosh Khodesh Av jou hijongle neh thei ahi e.

8.Sam tan chuleh mul vo ho chu 17th Tamuz jou akon bol lou aphai.Asao val a atan nuom leh vang Tisha B'Av chuh na hapta masang chan a tan le vo thei ahi e.

9.Rosh Khodesh Av a kipat tui lum a kisil phal lou ti aum in chuleh aphal aum e.Tisha b'Av lhun na hapta in vang tui lum a kisil ding aphal po uve hinla Damna ding tichu Nupi anao vop lha sung se ahileh phal ahi e.Hijongle Tui dap a vang chu Tisha b'Av lhun na hapta a jong kisil thei ahi e.

10.Tisha b'Av alhun na hapta a Mikveh a ache a tui dap aum lou leh Tui lum a kide thei ahi e.

11.Inn ho suh theng tichu thih leh jut chu Sefardi te ading in Tisha b'Av chuh na hapta ajong phal ahi  in aki strict poi.

12.Tin tan phal,Sam po phal chuleh Kengkoh not theng phal ahi e.

13.Von akam kileh lha ho chuleh Aki khuina ki lham lha ho chu Tisha b'Av chuh na hapta hijongle khui phal ahi e.Von thah vang Rosh Khodesh Av akon khui phal ahi poi.Von khui natoh bol hon neh ding anei lou ding uva leh Rosh Khodesh Av jou ajong akhui thei u ahi e.

14.Tisha b'Av chuhna hapta a Kengkoh khui hon kengkoh thah khui phal ahi poi.Rosh Khodesh Av akon in a strict pan ta uve.Hinlah Akeh lai ho khui bit phal ahi e.chuleh a lei ase ho sep phat thei ahi e.

15.Von thah inei ho Tisha b'Av alhun na hapta a Ah phal ahi poi.Hinlah Tisha b'Av lhun na hapta masang a Ah phal ahi e.

Note:Seilou jong tamtah aum in,Avel a nahet them lou hou Akho a Rav ho nadoh thei uleh ana dong uvo.

BAALEI TZEDEKA

MIPI ANN NGOL NA LI(4) DAN HO.

*Ann ngol na li ho:

Li(4) na'a ann ngol:Tamuz taarikh 17.

Shiv'a Asar beTamuz ann ngol tin akihe e.

Nga(5) na'a ann ngol:Av taarikh 9.

Tisha B'Av ann ngol tin akihe e.

Sagi(7) na'a ann ngol:Tishrei taarikh 3.

Tzom Gedalyah ann ngol tin akihe e.

Som(10) na'a ann ngol:Tevet taarikh 10.

Asara beTevet ann ngol tin akihe e.

Abon a hi Nissan lha akon kisim ahi e.Israel jousen hiche nikho li ho ahin ann ngol na anei uve ajiehchu vangset umtah tah thilsuoh chi taarikh ho a hi ana lhung ahi in,chiho ageldoh thei uva Teshuva abol thei diu deisah ahi e.

Adang ann ngol nikho kisei lou ho:

TAANIT BEKHOROT.

TAANIT ESTHER.CHULEH

YOM KIPPUR.

IPI TI ANN KI NGOL HAM?

1.Mi jousen ann angol diu ahi e.Tho ki gen ho pal keh phal ahi poi.

2.Alot hashakhar tichu Nisa suo na ding Pungkah 1 leh minute 12 masang akon Tzet hakokhavim tichu Nisa lhum apat minute 20 jou chen ima neh phal ahi poi.

3.Jan a Imut masang a Alung a "Alot hashakhar" ahi masang leh katho doh a thil kaneh ding ahi e tia agel leh Jan a atho doh khah a thil aneh nuom khah leh aneh thei hutilou a chu neh phal lou.

4.Ann ngol na 5 na tichu Tisha B'Av tilou adang Ann ngol na 3 ho jouse tichu 17th Tamuz,Tzom Gedalya chuleh 10th of Tevet a chu:-

kisil phal,

Kengkoh savun ho bu phal,

Perfume ho jong kinu phal.

5.17th Tamuz,Tisha b'Av chuleh Tzom Gedalya ann ngol nikho chu Shabbat ni a achuh leh ajing nikho Yom Rishon in ann aki ngol e.Hinla 10 Tevet chu itih khang hijongleh Shabbath ni a chu thei lou ding ahi.Yom Shishi tichu Friday ni a Tzom Asara beTevet chu achuh leh Tzet hakokhavim chen aki ngol e.

6.Ann ngol na ding nikho hapta kit a achuh d leh Achuh nading hapta masang a Shabbat akhun Khazan pa ham in phuon na anei jui e.Hijongleh Chi ann ngol na ding ki phuong hi 17th Tamuz toh Tzom Asara beTevet bou ahi.Adang ho vang aki phuong ngei poi ajiehchu mipi in ahe in chuleh amin thang in ahi.

7.Hotel/Dukan bol ho in Adam lou jieh a ann nethei ho bou neh thei achoh sah thei ahi e.Hutilou a chu Judah te gam ahi a leh Hon lou chu phapen ahi e.

8.Tisha b'Av tilou achu Nupi nao vop leh Nao nei jou pan pan hon ann angol lou diu ahi.

Nupi nao avop na LHA THUM JOU akon chuleh Lha thum ahi masang a Nat ho anei tah leh Tisha b'Av tilou a chu ann aneh thei ahi e chuleh Tisha b'Av a jong anem thei pen a strict ahi e.

Nupi nao nei jou ho anei jou apat kUM NI SUNG a chu ann aneh thei ahi e hijongleh mipi ann ngol ni a neo khat chu Aneh akiem sah ding aphai.Tisha b'Av toh Yom kippur a vang a strict jep e.

9.Dam mo ahivang a sakanah(danger) hih jongleh ann angol ngai poi.Tisha B'Av a vang ann angol lou vang a mi mu lou a aneh ding ahi.

10.Tehse atha lhasam hon jong chi Ann ngol nading li ho ahi ann angol lou thei u ahi.Tisha b'Av a vang chu a strict jep tei tei e.Ann aneh jongleh aha neh lou ding ahi.

11.Chapang Pasal Kum 13 lhing nailou ho chuleh Numei kum 12 lhing nai lou hon ann angol ngai poi.Pungkal chom khat jong angol ngai poi.

12.Moupa a Sheva Brakhot asei na ding Ni sagi sung,chuleh Brith Milah bol ding Pa,Sandak chule Mohel pan jong chi ann ngol na li ho a ann angol diu ahi e.Ahileh Shabbat ni a achuh a Ajing nikho Yom Rishon a kichuon ahi leh khatzot Hayom tichu Sun kim jou akon a ann aneh thei u ahi e ajieh chu amaho a ding a kipa nikho ahi e.

13.Tisha B'Av tilou a ann ngol na dang ho a Jingkah aki tho teng akam chu Tui Reviit lhing lou a khu leh phal ahi e.Ahivang a tui aval lou d akichih them ngai e.Haa not lou a um thei lou hon anot thei u ahi e.

14.Tisha b'Av tilou ann ngol na dang ho a cigarette achep thei ahi e.Hijongle Ann ngol nikho ahi agel doh jing ngai e.

15.Chewing gum lhai phal lou hinla Tuina nei lou Chewing gum phal.

16.Ann ngol ni amang hil khah a thil aneh khah leh ahet het akon ann a'ngol kit d ann ngol kichai chen.

17.Ann ngol ni amang hil a Thil khat aneh guot jieh a brakha asei tah leh neo khat bou atep d.

TAONA LANG TOH KISAI A:

1.Ann ngol jousen Amidah taona Shomea Tefilla a khu "ANENU" asei diu.

2.ANENU asei jou tengleh Shomea Tefilla taona chu akhum kha d.Shaliakh Tzibbur pa bou in Amidah Repetition a GOEL YISRAEL toh ROFE KHOLEI AMO ISRAEL kikah a ANENU pen khu asei a HA'ONE LE'AMO YISRAEL BE'ET TZARA tia akhum kha ahi e.

3.SHOMEA TEFILLAH TAONA akhum kha nading a BARUKH ATAH ADONAI ati jou a ANENU asei lou agel doh ale Nung che lou a Taona pa chu ajop ding chuleh ELOHAI NETZOR kichai a khu ANENU akhum kha na um lou a asei ding.SHOMEA TEFILLAH leh RETZE kikah a vang ANENU sei lou d ahi e.

4.Ann Ngol nikho ho leh Shakharit leh Minkha in Torah aki la doh e chuleh MI THUM(3) aki kou in PARASHAT VAYEKHAL akisim e.Ann ngol nikho chu YOM SHENI TOH YOM KHAMISHI TICHU TORAH LAHDOH Ni in chu jongleh PARASHAT HASHAVUA aki sim po in ANN NGOL NIKHO PARASHA TICHU PARASHAT VAYEKHAL aki sim e.

5.Ann Ngol nikho leh ahung kikhom MINYAN lah a Mi GUP ahilouleh Mi SAGI in ann angol lou leh Torah chu SHAKHARIT PET HIHEN MINKHA PET HIJONGLEH aki la doh ngei poi.

6.Adam mo jieh a Mipi Ann ngol nikho a ann ngol lou ho ALIYAH LATORAH a PARASHAT VAYEKHAL kisim na a ding doh lou ding ahi.

7.Kohanim tehon Ann ngol nikho leh Minkha jongleh BIRKAT KOHANIM asei uve.Hinla kohen ann ngol lou aum leh Birkat Kohanim kisei tengleh Po lang a apot aphai.

8.chi Ann ngol ni li teng Tefillin aki vei e.Tisha b'Av a vang Amun mun in avei dan aki het aphai.Sefardi minhag Yerushalmi hon Jingkah leh avei ji tau ve.Sefardi adang ho in vang minkha lang bou in avei uve.

BAALEI TZEDEKA HALAKHA YOMIT

"HILKHOT NETILAT YADAYIM SHAKHARIT"

 (YALKUT YOSEF SIMAN 4)

*Imut teng thi na ki tep jui ahi in Itahsa u abuoh jui e.Lhagao phalou ho jouse chu mihiem tin ho akon in itahsa uva alut jui uve.Chi suh theng na dinga chu Jingkah leh tho tho leh khut sop poimo ahi e.

Imut teng uleh Itahsa u akisel lai ho itham khah thei u ahi in chijieh a chu khut sop ngai ahi e.

Kohanim te hon Beith Hamikdash phat laiya Pathen kin bol na dinga kiyor akon akhut u ana kisop banga Pathen kin bol nading a isop u ahi e.

YALKUT YOSEF:

Nisim seh leh Lupna akon atho doh jou teng Tui khon dim a alah a akhut asop lhah ngai ahi e.chuleh Akhut athih hul masang a Taona "Al netilat Yadayim" asei ding ahi e.(Yalkut Yosef siman 4:1)

KHUT SOP NADING A IPI TUI MAN THEI HAM:

Tui nen man lou ding

Tui lum man thei.

Juice ho ahiloule tui a colour ki lheh man lou chu aphai.Poskim khen khat in Netilat Yadayim seudah bang a strict ding ati uvin aphal po uve.Sulkhan Arukh a vang Rabbi Yosef karo in aphal e.

Min naa atoh nasa tui man lou ding aphai.Poskim khen khat in Netilat Yadayim Seudah bang a strict d ati uvin aphal po uve.Sulkhan Arukh a vang Rabbi Yosef karo in aphal e.Tekahna a Me ho kisop theng na tui,Pon ho kisop na tui.chuleh

Gancha ho kisan in adon nuom lou u tui man lou ding aphai.Poskim khenkhat in Netilat Yadayim Seudah abang a Strict d ati uvin aphal po uve.Sulkhan Arukh a vang Rabbi Yosef karo in aphal e.

Mikveh tui,Tuipi,Vadung tui ho jong jah thei ahi e.

JINGKAH NETILAT YADAYIM SHAKHARIT (THODOH KHUTSOP) A KHON UM HIH JONGLE BEREZ AKON ASOP THEI AHI E.KHON UM A ASOP BANG A AKHUT AKHEL LELE NGAI AHI E.HINLAH BRAKHA ASEI LOU DING AHI.KHON AMU MU LEH ASOP THAH KIT APHAI.

KHUT SOP DING DAN:

Khut jet lam a khon tui dim chu alah a Akhut vei lang apieh ding chuleh akhut veilang in khut jep lang tui abuh khum d chijou leh khon chu khut jep lang apieh d.Khut jet lang in khut vei lam chu tui abuh khum d chuleh khut vei lam apieh d.Hitia chu akhut teni 3(thum) vei chiet abuh khum ahi e.

KHUT HOILAI MUN A SOP D HAM?

Mi ho chelou na mun a asop ding deisah pen ahi e.

Israel a kitchen a kuong sopna ho a jong sop thei ahi e.

KOI KOI IN KHUT ASOP NGAI HAM?

1.Numei chuleh Pasal.

2.Chapang thil hethei ho sop sah a brakha ahi ding banga asei aphai.

3.Jan tou khovah hon asop diu hijongleh brakha asei lou diu.

4.Jan a tui don nuom hon blanket ham khat a akhut athih anganse thei ahi e.Chuleh Tui adon masang a brakha asei d.Reviit adon leh Brakha akhrona jong asei d.

5.Jan a pam che nuom hon anung mut tah lou ding a akigel uva leh Khut sop na dan chet a Akhut u tui a asop diu.

BAALEI TZEDEKA

17th TAMUZ ANN NGOL.

*Mishnah Taanit 4:3 in ana record e.Hamsedna  thil nga(5) Tamuz taarik 17 nin ana lhung e.

1.Songpheng masa chu Moshe Rabbeinu in Sinai mol a akum lhah a Israel te bongnou lim semthu asem leh ahou na a maicham asem u amu phat in chi ni hin ana sukeh in ahi.

Israel chaten Bongnou lim semthu ahou jieh uvin Moshe Rabbeinu Sinai mol a Torah la ding a aum lai tah in Pa Hashem in Kum suh in ati in ahin sol suh e.Torah ahin kisan jou in ahung suoh in ahileh Israel chaten milim semthu ahou u amu phat in Torah chu Israel chate pieh ding anuom ta poi.Chijieh chun Torah aum na a nung pieh d ati leh Upa lamkai hon anung pieh ding amu phat uvin Moshe Rabbeinu ahung chu uvin ahileh achu doh jou po uve.Torah thuchang hon Bongnou lim semthu amu phat uvin vanchung a alengtou uvin ahileh Torah suong pheng chu ahung gih in Moshe Rabbeinu in adop jou lou jieh in akheh lhah sah in asu keh e tin Midrash khenkhat in asei e.

2.Beith Hamikdash amasa pen phat lai a Nisim seh a atuo u Maicham chu chi ni hin ana tang e.

Ajieh chu Maicham atuo diu chu ahung lhung ding aban ni li ading toh koisa in ana koi jui uve.Galmi tehon khopi bang ahin suh set jou uva Jerusalem khopi asu se uvin Kohanim teho umna Muntheng mun jong ala guo uvin hinlah 7th Av chen chun ana la thei po uve.Galmi te ho khopi ahung lut jou akipat in Maicham a atuo diu gancha ahung lhom ta in ahi.9th Tamuz a Galmi te ahung lut jou uva kon 13th Tamuz chen ding Gancha tuo ding (ahung lhung ding ni li ading toh ana koi tha jui jieh uvin) ana nei uve.Ipi ti 17th Tamuz a Maicham nisim seh a atuo u chu tang ham?13th Tamuz chen a ding a anei u hilou?13th Tamuz akuon 17th Tamuz chen chun Galmi sepoy ho guhthim in sum apie uvin ama ho koma ana cho uve.

3.Beith Hamikdash ani na phat lai in khopi bang chu ana suh set pat nikho u ahi e.

Titus leh agal sepoy hon chi nikho hin Jerusalem bang asu se uvin Jerusalem alut uve.

4.Beith Hamikdash ani na phat lai ma in chi ni hin Apustamus mi phalou pa in Torah ana hal in ahi.

Hoilai mun a Torah chu ana hal?

Rabbi Acha in lod lamsuom a ana hal e ati.Rabbi tehon Tarlusa lamsuom a ana hal e ati.

Roman te vaipoh na kiphin na len kipat nading kum 16 masang Roman mi palai a pang Camanus phat lai a thilsuoh ahi tin Khang thu hisap hon agel uve.

Chuleh,

5.Beith Hamikdash ani na phat lai ma in chi ni hin milim semthu muntheng sunga ana koi uve.

Apustamus miphalou pa mama in milim semthu chu muntheng sunga ana koi dan in mi tamtah in asei uve.

Beith Hamikdash masa pen phat lai ma in Khopi bang chu ana bo se uvin ahi.Hinla Beith Hamikdash masa pa phatlai a khopi bang ki bo set nikho chu 9 Tammuz ahi.Hinla Mipi teho suh genthei lou na ding in lha khat a ni(day) ni(2) ann ngol ding in ana bol po uve hinla 17 tamuz nikho ma a ann ngol ding in ana sei uve.Ajieh chu Beith Hamikdash ni na pa kisuh set joh chu hamsedna len tah jo dan a akilah jieh ahi e.

Talmud Yerushalmi in Beith Hamikdash amasa pa bang(wall) akisuh set ni jong chu 17th Tamuz ma ahi e ati.Mi pi hon hahsatna nasatah athuh jieh uchun 9th Tamuz dan in ana he uve ati.Pathen in jong kacha te genthei na a kei jong kajao e ti vetsah na in Israel chaten atahsan nikho u 9th Tamuz dan in Yeremiah themgao ana sei sah e.

BAALEI TZEDEKA HALAKHA YOMIT

"HILKHOT HASKAMAT HABOKER"

*Jingkah kho het het leh "Modeh ani" Sei ding.Lupna akon kitho doh a ding doh pei lou d.

Rabbi Nakhman in jingkah hung tho tho leh Olam Haba ahilouleh Pathen kin bol ding a hatna thei gel ding chuleh Pa Hashem hoitah a hou thei na ding a thanuop na kipieh d.

Shulkhan Arukh a Rabbi Yosef Karo in Humpi bang a Pathen kin a ding a kitho ding ati.Humpi ahat bang a eijong hat ding.Yetzer Hara ahung leh kijo sah lou ding.

Rabbi Yitzkhak Yosef in Pirkei avot a Teima chapa Rabbi Yehudah in asei jouse asei e.Ajieh chu Pathen kin a lhei na ding a abon a ngaicha ahi ati.

Rabbi Yehudah Teima chapa in hitin asei e.Nasempa kin bol ding in Lutnu bang in hangsan in lang,Muvanlai bang in Jang in lang,sakhi bang in lhei in lang chuleh Humpi bang in hat in ati.(Pirkei Avot 5:20)

Lutnu bang a hangsan d:

Rashbatz in A Rav pa koma ahetchen lou ho ahilouleh Buoina anei ho sei lhah theina hangsan na nei hen ati.

Muvanlai bang a jang d:

Rashbatz in a Torah jil chu muvanlai akipuh jang bang a pu jang hen.Chuleh Avel vel in jil hen chutileh Muvanlai in vacha dang jouse achunga alen sah lou bang a Lhagao lam a kidom sang ding ahi ati.

Sakhi bang a lhei d:

Rambam student Rabbeinu Yosef Bar Yehudah in Torah Gedolei hador ho akon jil nading leh ngai ding in Kho khat akon kho khat chuleh gam khat akon gamdang khat gangtah in juon hen ati.

Humpi bang a hat d:

Yetzer Hara ajo nading a humpi ahat bang in hat hen ati.Pirkei Avot Bung 4 chang 1 a akisei bang a,"Koi ham ahat?A Yetzer jou chu hat akiti."

BAALEI TZEDEKA

YETZER HARA

*Yetzer Hara khatvei kaki mu pi in kadong e.Ipi ti mi nalhep lhah lhah mei thei ham?Ipi jieh a Mi nalhep lhah chai hon avel avel a nan tahsan kit thei ham?Yetzer Hara in hitin ei donbut e.Ajieh chu Mi tam tah in Imacha bol thei lou dan a nah sah a ei koi lou jieh u ahi e Chule ei kicha hon ei nel nading uva akah le kaki jo sah jui jieh ahi ati.(Baalei Tzedeka On the Yetzer)

Rabbi Nakhman in hitin Tekahna apie e.Yetzer Hara chu Duha nei tah a tawt mi khat akhut tum sip a mipi lah a lhei lele tobang ahi e ati.mi koma ahung in hitin ahung dong e,"Ka khut a kachoi nahet am?ati.Adoh jouse chun athil dei achoi ding gingcha in Yetzer hara nung chu adal suh kei uve.Achaina a akhut asip chah kheh chu ahin hong doh leh akeu ana hi e.Hitobang a chu mi tamtah Yetzer Hara lhep lhah a um ahi

Tekahna dang kit khat chu Yetzer Hara chu akhut sip chah kheh in mi koma ahung in Ka khut a kachoi na het leh?tin ahung dong in ahi.Adohpa chula abul til til in donbut ding athanuom poi.Athanuop lou jieh in Yetzer Hara in jong A pocket a kuon in Purse ala doh in Asum nei,Bank card,Athep naho certificate avetsah in Kakhut a kachoi nahet leh nadei khat kapieh d nahi e ati.Kahin pieh thei lou top jongleh thil khat a kahin kithopi d nahi e ati.Chi adoh pan jong Yetzer Hara housat dan ho,athepna ho amu phat in atahsan in Akhut a achoi chu ipi ahidem ti agel pan tan ahi.Akigel pet chun Yetzer Hara in na phat abei tai ati in chi mipa akon chun ajam in chi mipa chu akidel sah jui e ati.

Achaina a Yetzer Hara adal phah teng uleh Yetzer Hara in akhut keu avetsah jui in Donbut thei lou in ahin del jouse akoi jui tai.

BAALEI TZEDEKA

"YETZER HARA NATOH DAN"                    

*Iti dan a Yetzer Hara hi jo hah ahi dem?Iti dan a Yetzer Hara in mi ajo jo mei ahidem?Khatvei Injo a chih thei hita lou ham?Ipi jieh a vei tamtah iki jo sah u ham?

Rabbi Yitzkhak in Zohar lekhabu Parashat Vayikra page 111:72 achun Yetzer Hara in mi alhep lhah dan chu hiti hin tekahna apie e.Mi umlouna Lampi hin juon ho athil u achom jou uva atha lih u Mi thil chom mi ho tobang ahi ati.Amaho chun chi lampi hin juon ho chu amoh lhep lhah ahi po uve.Amaho lah a chun kam them,kam nem chuleh mi lhem lha thei pen mi alhengdoh uvin ahi.Amapa hin ipi abol am?Lampi a mi ahung ho chu aga nai jui in amaho suoh dan in aga pang jui in ahi.Hiti chun Chi lampi hin juon ho chu aki nel sah jui in,mihon ahin nel teng uleh Aloi te(mithil chom mi)ho aum na uva chun apui jui in hiti chun Athil nei jouseu achon khom uvin anei achom chai teng uleh chi achompa/achomnu uchu athat ji uvin ahi.Mihiem anei kichom jouse chun athi masang uvin Chi Mipa kam nem,kam them kana tahsan kaki sih nah e ati uvin kisih tah in athi jui uve ati.Yetzer Hara in jong hiti tobang a chu naa atoh ahi ati uve.

Gehinom a mi khat apui jou tengleh Mi dang khat kom ahin jui in chi mipa chu chalak tah in kam them in akihoupi in akinel sah e.Akinel sah jou tengleh Thilse abol sah in Gehinom in ason lut ji tai.

Khakhamim tehon Tukhang hin Yetzer hara hi Mitzvot in aki tuom jieh in In lhem lha pei pei uve ati.

Yetzer Hara ijo thei na diu pen chu Torah,Tefilah leh Mitzvot ho ha bol ahi e.
Pa Hashem in Yetzer Hara ijo na diu vin tha ihin pie uhen.

BAALEI TZEDEKA

"THUSE SEI LOU DING"

*Leng David in Tehillim 34:12-13 a Hinkho nuom a hin ding nadeiya,Hin nuomsel a teh thi ding nadei leh Thuse sei dan lang thujou sei dan ati.

Khafetz Khayim in a lekhabu Shmirat Halashon a dohna hitin aneiye.Torah in Hinkho nuom a hin nading a mitzvah tam tah ei pie uvin.Ipi ati leh Leng David in Hinkho nuom a hin nading a Thuse leh Jou sei lou d bou asei ham ati?

A Answer chu hitin donbut na apie e.Mikhat chun akam a mi asuh khah or asuh lungnuop mo lou na ding a aki tuh chah thei tengleh Tahsa tah a mi voh ding jong agel thei lou beh d ahi e ati.Torah a Mitzvot ahung kipie jouse chu Mihiem le Mihiem kikah chuleh Pathen leh mihiem ki kah a mitzvot ahi e.Mihiem leh mihiem kikah a mitzvot suh bulhit na ding a chu Khat le khat kilungset ngai ahi e.Kilungsetna dihtah chu Aloi khat in helou ding hijongleh ama chung a thuse sei lou.Aloi pa aphat chuom na d bou sei leh bol chu ahi e.Hitia chu Aloi pa tongkha thei thilpha lou jouse su mang thei.Mihiem leh Mihiem ki kah mitzvot ho asuh bulhit thei lou leh Ipi ti Pathen leh mihiem ki kah mitzvot asuh bulhit thei d.Aloi khat bon ngailu thei lou chun Ipi t Pathen angailut thei d?Chijieh a chu Leng David in Hinkho nuom a hin ding dei chun Thuse sei da hen ati ahi e.

BAALEI TZEDEKA NEWS UPDATE

Isopi u Kfar Khassidim a um hon Screening test ho abol uvin Giur Process achelhah toh kilhon in Giur agangthei pen a ahin mu na thei diu vin Taona in geldoh jing u hite.

Chuleh IDF Sepoy a pang achai ding ho Pa Hashem in damtah a ahin chai sah na ding chuleh Apang d ho ahung lo lhin na ding in Taona in geldoh jing ute.

Damlou Taopeh ding aum ding chu tahsan aum in Na het adamlou aum leh nei hin hetsah leu chun ka kipa diu ahi e.

Tiberia leh Nesher lang a Isopi um hou Ulpan akai lai tah u ahi e.Hebrew Pao theng ahet thei na diu vin a kithopi thei aum leh Kithopi ding in tepna kahin nei e.Shabbat mang a nache nuom leh mun aum e ti jong kahin hetsah nuom nahi uve.

Thu phuon ding a nadei ho u nahin sei thei u ahi e.Jachat na d aum poi.Website jong Improvement aum na ding a Taona in geldoh utin ha pan chiet u hite.

BAALEI TZEDEKA

"TAONA CHOK A KISUON LOU DING"

*Erev Pesakh seh leh Baal Shem Tov in ama ading leh a student teho ding in Matzah asem jui e.

A student teho chun a Rav pa u thilbol chu thanuom tah in angah jui uvin ahi.Khatvei chu Erev Pesakh hin kum dang bang in jingkal Shakharit ho jou in A Rav pa(Baal Shem Tov) inn a juon uvin ahi leh a Rav pa u amu mong mong po uvin ahi.Ama ho jong chu alungdong lheh uvin chuphat chun ha hol in ahol uvin ahi leh Pope pa toh ana kihou in ahi.Sot pi tah akihou jou lhon in aki hou chai nah nah lhon e.

A student tehon jong Rav pa in Matzah bol mitzvah don lou a ipi dia chi Pope pa chu aga kihoupi ahi deh o ti ahenuom uvin adong uve.

A Rav pa u Rabbi Israel Baal Shem tov in hitin asei e,"Tukum chu Judah te chunga holocaust tobang chu thei ding ahi e ajieh chu Pope pa nungjui ho in Eiho hi ahilou lou in ei heh uve. Chi tobang kithana ho aum lou na ding a Pope pa hoitah a ka ga kihoupi ahi e.Barukh Hashem Holocaust tobang chu eiho chunga hung lhung lou d ahitai.Hung uvin Pesakh ading in kipah tah in kiguong u hite tin a student teho chu akou in akiguong uve.Gangchel in Matzah asem uvin Ajan in Pesakh hoitah leh nuom tah in amang uve.

Doh ding tamtah aum e hijongleh Question khat chu Rabbi Israel Baal Shem Tov ama tobang a Tzaddik chu tao henlang hileh Pa Hashem in a taona asan pieh lou d?Pope pa toh aga kihou sese ngai?Answer chu Taona amanlou ahi poi.Taona jong amang in chuleh atahsa tah in jong naa atong e.Rav tehon Brakha mu na ding a chu na kisan thei na di Bel chu na nei ngai ahi e ati uve.Chijieh a chu Taona bou nganse d ahipoi.Ei le ei jong kiham bol ngai ahi e.
Yom Tov!!❤❤❤

BAALEI TZEDEKA

Parashat Khukat!

Tuchung I parasha uva hin Para adumah chungchang akisei in ahi.Hetthem lou a kijui dan tamtah aum in.Chitobang dan ho chu khok ahiloule khukim akiti e.Para Adumah jong hi khok khat ahi e.

Midrash Rabba in khok kiti chu hitin hilchetna apiehbe e.Zoth Khukat tichu "Chondan ho".(Bemidbar 19:2).Chuleh Iyov 14:4 a akisei bang in Mihiem bang a thil boh lah a thil theng khatcha kiloidoh ponte.Pathen bou in Thilboh lah akon Thil theng aloidoh thei e."Rasha khat akuon Tzaddik hung pieng,Tzaddik khat a kuon a Rasha hung pieng.Tekahna a Terakh akuon a Avraham,Akhaz akuon Khizkiyahu,Amon akuon a Yoshiahu,Shimi akuon Mordechai,Ahsi hou ho akuon Israel,Olam Haze akuon a Olam Haba.Innsung a mikhat athi leh a inn theng ahivang a athi pa tongkha jouse boh.Para adumah bol chu kisu boh a Asuhtheng ding mihiem pa theng.Koi in chiho jouse abol ham?Ama tilou Abol Imadang aum poi chuleh Ama tilou Abolthei Imadang aum poi.Ama in khok(Chondan)asem in,Chuleh Ama tilou Imadang in Thutan(gezerah bol) abol poi.Adei dan leh Abol dan in thiljouse aum in koima dang in Athu apel thei poi.

Khatvei Rabbi Khanina Ben Dosa in kiddush ading in wine anei po e.Rabbanit nu in Rabbi Khanina koma chun wine aum lou chu ahung sei in ahi leh Rabbi Khanina in lungkham hih in thil jouse chu Pathen in thu atan khum dan dan a kilheh thei ahi e ati.Chie inlang lengpithei thuh(Vinegar) chu hin la in ati.Rabbanit nu injong aga la in Rabbi Khanina koma chun ahin choi in apie tai.Rabbi Khanina in chi lengpithei thuh chu ave in hitin asei e,"Pathen thil jouse adei bang a hisah thei pa in Ju kisuo sah hen,"ati leh akisuoh jieng in ahi.

Kahin sei nuom chu Pathen Tahsan na dihtah inei phat uva Iha pan phot uleh thil jouse chu Pathen in adei dan tah a akhel mo aum poi.