BAALEI TZEDEKA

YETZER HARA

*Yetzer Hara khatvei kaki mu pi in kadong e.Ipi ti mi nalhep lhah lhah thei ham?Ipi jeh a Mi nalhep lhah chai hon avel avel a nan tahsan kit thei uham?Yetzer Hara in hitin ei donbut e.Ajieh chu Mi tam tah in Imacha bol thei lou dan'a nah sah'a ei koi lou jeh'u ahi e,Chule ei kicha hon ei nel nading uva akah le kaki jo sah jui jeh ahi ati.(Baalei Tzedeka On the Yetzer)

Rabbi Nakhman in hitin Tekahna ape e.Yetzer Hara chu Duha nei tah a tawt mi khat-akhut tum sip a mipi lah a lhei lele tobang ahi e ati.miho koma ahung in hitin ahung dong e,"Ka khut a kachoi hi nahet am?ati.Adoh jouse chun athil dei achoi ding gingcha in Yetzer hara nung chu adal suh kei uve.Achaina'a akhut asip chah kheh chu ahin hong doh leh akeu ana hi e.Hitobang'a chu mi tamtah Yetzer Hara lhep lhah'a um ahi ati.

Tekahna dang kit khat chu Yetzer Hara chu akhut sip chah kheh in mi koma ahung in Ka khut a kachoi na het leh?tin ahung dong in ahi.Adohpa chula abul til til in donbut ding athanuom poi.Athanuop lou jieh in Yetzer Hara in jong Asakhao'a kuon in Purse ala doh in Asum nei,Bank card,Athep naho certificate avetsah in Kakhut'a kachoi nahet leh nadei khat kapeh ding nahi e ati.Kahin peh thei lou top jongleh thil khat'a kahin kithopi ding nahi e ati.Che adoh mi pa'n jong Yetzer Hara housat dan ho,athepna ho amu phat in atahsan in Akhut'a achoi chu ipi ahidem ti'n agel pan tan ahi.Akigel pet chun Yetzer Hara in na phat abei tai ati in che mipa akon chun ajam in,che mipa chu akidel sah jui'e ati.

Achaina a Yetzer Hara adal phah teng uleh Yetzer Hara in akhut keu avetsah jui in Donbut thei lou in ahin del jouse akoi jui tai.

BAALEI TZEDEKA

"YETZER HARA NATOH DAN"                    

*Iti dan a Yetzer Hara hi jo hah ahi dem?Iti dan a Yetzer Hara in mi ajo jo mei ahidem?Khatvei Injo jou'a chu chih thei hita lou ham?Ipi jeh a vei tamtah iki jo sah u ham?

Rabbi Yitzkhak in Zohar lekhabu Parashat Vayikra page 111:72 achun Yetzer Hara in mi alhep lhah dan chu hiti hin tekahna ape e.Mi umlouna Lampi hin jon ho athil'u achom jou uva mi that lih,Mi thil chom mi ho tobang ahi ati.Amaho chun che lampi hin jon ho chu amoh lhep lhah ahi po uve.Amaho lah a chun kam them,kam nem chuleh mi lhem lha thei pen mi alhengdoh uvin ahi.Amapa hin ipi abol am?Lampi a mi ahung ho chu aga nai jui in amaho soh dan in aga pang jui in ahi.Hiti chun Che lampi hin jon ho chu aki nel sah jui in,mihon ahin nel teng uleh aloi te(mithil chom mi)ho aum na uva chun apui jui in,hiti chun athil nei jouseu achom khom uvin anei achom chai teng uleh che achompa/achomnu uchu athat ji uvin ahi.Mihiem anei kichom jouse chun athi masang uvin Chi Mipa kam nem,kam them kana tahsan kaki sih nah e ati uvin,kisih tah in athi jui uve ati.Yetzer Hara in jong hiti tobang a chu naa atoh ahi ati uve.

Gehinom'a mi khat apui jou tengleh Mi dang khat kom ahin jon in che mipa chu chalak tah in kam them in akihoupi in akinel sah jui e.Akinel sah jou tengleh Thilse abol sah in Gehinom in ason lut ji tai.

Khakhamim tehon Tukhang hin Yetzer hara hi Mitzvot in aki tuom jeh in In lhem lha pei pei uve ati.

Yetzer Hara ijo thei na diu pen chu Torah,Tefilah leh Mitzvot ho ha bol ahi e.
Pa Hashem in Yetzer Hara ijo na diu vin tha ihin pie uhen.